«លោតកាន់តែខ្ពស់
អុកគូថកាន់តែឈឺខ្លាំង»
ការប្រាថ្នាលោភលន់ចង់បានដោយឥតពិចារណា ការសប្បាយខ្លាំងដោយឥតរិះគិត វាផ្តល់មកវិញត្រឹមទុក្ខសោកនឹងក្តីវិនាសតែប៉ុណ្ណោះ។ ចូរអ្នករៀនកំណត់មហិច្ឆតាឬការចង់បានរបស់អ្នកអោយស្របទៅតាមភាពត្រឹមត្រូវនឹងកាលៈទេសៈ។ចូរព្យាយាមកាត់បន្ថការ
សប្បាយដែលវាមើលទៅហាក់បីជាពុំមានប្រយោជន៍
ហើយមកយកពេលនោះខំប្រឹងធ្វើរឿងដែលប្រសើគាប់សម្រាប់ជីវិតអ្នកនៅពេលអនាគតវាល្អប្រពៃជាង។
ចងក្រងដោយ៖
អុង អក្ខរា
«រៀនដោះលែងខ្លួនឯង
ពីក្តីទុក្ខ»
យើងត្រូវតែចងចាំនូវរឿងពិតមួយក្នុងចិត្តយើងរហូតទៅថា មានរូបមានទុក្ខ មានរូបមានការជាប់ជំពាក់ មានរូបមានការប្រកាន់ មានរូបតែងតែមានចំណង់ឬការប្រាថ្នាចង់បានមិនថាមនុស្សសត្វ។បើយើងគិតថាមានសុខក៏ត្រូវតែមានទុក្ខព្រោះសុខនឹងទុក្ខជាធម៌ពិតនៃសង្ខាសត្វលោក សុខនឹងទុក្ខគឺវាដើរទន្ទឹមគ្នា គ្រប់គ្នាសុទ្ធតែមិនអាចគេចបានដូចគ្នា។
បើមានដូចគ្នាបែបនេះអ្វីដែលអ្នកត្រូវសាងគឺរៀននូវការសម្មាធិជម្រះរឿងអាក្រក់
រួចពិចារណានៅវត្ថុដែលជាកុសល
រៀនសាងនៅកុសលផលបុណ្យហើយនឹងញញឹមទៅកាន់លោកទាំងមូលដោយមេត្តានៃការស្រលាញ់។
ចងក្រងដោយ៖
អុង អក្ខរា
«ពាក្យថាចាំ»
ពាក្យថាចាំថ្ងៃណាមួយគឺជាជំងឺមួយដែលនឹងនាំអោយក្តីសុបិន្តរបស់អ្នកកប់បាត់នៅក្នុងផ្នូរជាមួយអ្នក... ពីព្រោះថាអ្នកក៏មិនបានដឹងថាថ្ងៃស្អែកនឹងមានរឿងអ្វីកើតឡើងចំពោះអ្នកនោះទេ ជួនកាលថ្ងៃមួយដែលអ្នករង់ចាំ វាក៏ជាថ្ងៃដែលអ្នកបាត់បង់ឱកាសទាំងអស់នោះដែរ។ឱកាសដែលអ្នកចាំ ឬរឿងដែលអ្នកចាំ ហើយមិនព្រមធ្វើដោយសារតែហេតុខ្ជិលនោះរមែងអ្នកដទៃយកបាត់នៅថ្ងៃណាមួយជាក់ជាមិនខាន។ ត្រូវចាំថា
ភាពខ្ជិលរបស់អ្នក គឺជាឱកាសរបស់អ្នកដ៏ទៃក្នុងការដណ្តើមយកពីអ្នក
ហើយភាពខ្ជិលរបស់អ្នកក៏រមែងទាញអ្នកចូលទៅក្នុងភាពបរាជ័យដោយងើបមិនរួច។
កុំប្រើពាក្យថាស្តាយក្រោយ ខណៈពេលដែលអ្នកនៅមានឱកាសពេញបរិបូរណ៍ កុំចាំថ្ងៃនេះ
រឺថ្ងៃនោះ ត្រូវធ្វើអោយហើយទៅ ព្រោះឱកាសវាមិនបានចាំយើងទេ
បរាជ័យថ្ងៃនេះអត់ធ្មត់បន្តិច ជោគជ័យនឹងមកដល់
ជោគជ័យថ្ងៃនេះអត់ធ្មត់បន្តិចបរាជ័យនឹងមកដល់។
ចងក្រងដោយ៖
អុង អក្ខរា
«ការកំណត់គោលដៅ»
គោលដៅគឺជាចំណុច ឬ ជាស្ថាន ទីដែលខ្លួនអ្នកត្រូវដើរទៅរក ការរៀនកំណត់គោលដៅជាវិធីសាស្ត្រមួយដែលអាចធ្វើអោយមនុស្សគ្រប់រូបអាចសម្រេចតាមក្តីប្រាថ្នាដែលខ្លួនចង់បានដោយមិនខាតពេលក្នុងការដើរខុសផ្លូវ ព្រោះការកំណត់គោលដៅប្រៀបបានទៅនឹងត្រីវិស័យឬផែនទីភូមិសាស្ត្រ តំបន់ដែលអាចអោយយើងប្រើយុទ្ធវិធីអោយស្របទៅតាមពេលវេលា។
មានតែមនុស្សប្រមាណបួនទៅប្រាំភាគរយតែប៉ុណ្ណោះដែលបានកំណត់គោលដៅខ្លួនច្បាស់លាស់
ហើយពួកគេទទួលបានផលដែលសម្រេចបានរហូតទៅដល់កៅសិបភាគរយ។
មនុស្សប្រភេទនេះច្រើនជាមនុស្សដែលតែងតែជឿលើខ្លួនឯង
ហើយតែងតែព្យាយាមតែវាសនាខ្លួនអោយល្អប្រសើជាងមនុស្សដទៃ។
ចងក្រងដោយ៖
អុង អក្ខរា
«អំណួត»
ការអួតអាងនាំអោយមនុស្សបាត់បង់សាមគ្គី អំណួតអាចធ្វើអោយបាត់បង់នៅតម្លៃថ្លៃថ្នូររបស់ខ្លួន អំណួតអាចធ្វើអោយមនុស្សលង់ជ្រៅទៅក្នុងភាពស្រពិចស្រពិលក្នុងជីវិត អំណួតធ្វើអោយខ្លួនបាត់បង់មិត្តភាព បាត់បង់សារជាតិជាមនុស្សទៀតផង។ធម្មជាតិបង្កើតមនុស្សមកអោយមានមាត់មួយដៃពីរភ្នែកពីរ ពីព្រោះគេចង់អោយយើងរៀនមើលគេធ្វើរឿងល្អៗអោយច្រើនហើយយកមកអនុវត្តអោយច្រើនជាងនិយាយ ។ចូរព្យាយាមធ្វើរឿងល្អ
ធ្វើរឿងដែលមានប្រយោជន៍ដើម្បីជាគ្រឹះដ៏មាំរបស់ជីវិតទៅថ្ងៃខាងមុខ
ដូចពាក្យចាស់លោកពោលថា «មាសសុទ្ធគេលុតនឹងភ្លើង
រីឯមនុស្សយើងគេលុតនឹងការងារ»អ្នកធ្វើកានតែច្រើនអ្នកនឹងមានបទពិសោធន៍កាន់តែច្រើន
អ្នកនឹងនៅវិធីសាស្រ្តនៃការដោះស្រាយបញ្ហាកាន់តែច្រើន។និយាយច្រើនដោយខ្វះការពិចារណាច្រើនតែខុស។
ចងក្រងដោយ៖
អុង អក្ខរា
«ភាពភ្លឺស្វាងក្នុងជីវិត»
ជីវិតអ្នកមានពន្លឺលុះត្រាតែអ្នកជាអ្នកដែលប្រកបដោយការយល់ឃើញត្រូវក្នុងការសិក្សា
រៀនសូត្រ គឺជាមនុស្សដែលស្រលាញ់នូវភាពចេះដឹង
មិនឆ្មើងឆ្មៃក្នុងការទទួលនៅការអប់រំពីខាងក្រៅ
ព្រមបន្ទាបខ្លួនអោយទាបដើម្បីទទួលនៅដំបូន្មាននឹងបទពិសោធពីមនុស្សខាងក្រៅដែលគេធ្លាប់ឆ្លងកាត់
ដើម្បីយកមកជាគតិសម្រាប់ដម្រង់ទិសដៅអនាគតខ្លួនអោយល្អប្រសើ។
វិថីមួយនេះនឹងមានពន្លឺភ្លឺច្បាស់ល្អសម្រាប់អ្នកធ្វើដំណើរទៅរកគោលដៅនៃជីវិតអ្នក។
បុគ្គលដែលសម្បូរដោយការចេះដឹង ហើយមានការប្រៀនប្រដៅខ្លួនបានល្អនោះ
បុគ្គលនោះឯងគឺជាជនដែលគេតែងតែត្រូវការ
បុគ្គលម្នាក់នោះក៏ទទួលបាននៅការគោរពនឹងសម្បូរនៅញ្ញាតិទៀតផង។
ចងក្រងដោយ៖ អុង អក្ខរា
«ការចេះផ្តល់តម្លៃឲ្យខ្លួនឯង»
មនុស្សម្នាក់បើចង់ឲ្យខ្លួនឯងមានតម្លៃ
លុះត្រាតែខ្លួនឯងចេះផ្តល់តម្លៃអោយខ្លួនឯងជាមុនសិន។
ចូរអ្នកកុំរំពឹងនូវសូរសម្លេងដែលចេញពីបបូរមាត់អ្នកដទៃអោយសោះ ហើយរឹតតែកុំទៅសង្ឃឹមនឹងស្ថានភាពបរិយាកាសជុំវិញខ្លួនអ្នកទៀត ចូរចាំថាគ្មានរបស់ទាំងឡាយណាអាចផ្តល់តម្លៃអោយខ្លួនអ្នកក្រៅពីខ្លួនអ្នកទេ។បបូរមាត់អ្នកដទៃពោលសរសើអ្នកវាមិនប្រាកដថាអ្នកជាមនុស្សមានតម្លៃពិតប្រាកដនោះទេ។ការសរសើអាចធ្វើអោយមនុស្សវង្វេង។
ផ្កាឈូកដែលដុះចេះពីល្បប់ដ៏ស្អុយ
តែផ្កាឈូកនៅតែរក្សាក្លិនក្រអូបរបស់វាបាននេះហើយជាតម្លៃរបស់ផ្កាឈូក។មិនខុសអ្វីពីមនុស្សនោះទេ
ទោះមនុស្សស្ថិតក្នុង អម្បូរ ពូជពង្ស ឬមជ្ឈដ្ឋានបែបណាក៏ដោយអោយតែបុគ្គលនោះ
ចេះស្គាល់នឹងចេះផ្តល់តម្លៃអោយខ្លួនដើម្បីងើបអោយផុតពីអវិជ្ជា
នោះអ្នកនឹងមានតម្លៃយ៉ាងប្រាកដ
ដូចជាផ្កាឈូកទោះកើតចេញពីល្បប់អាក្រក់យ៉ាងណាក៏នូវតែរក្សាខ្លួនបានល្អដដែល។
គុណធម៌ជាតម្លៃរបស់មនុស្ស
«មនុស្សដែលចេះបង្កើតឱកាសគឺជាមនុស្សឆ្លាត»
ឱកាសសម្រាប់មនុស្សម្នាក់ៗវាមិនចេះតែមាននោះទេ បើយើងមិនចេះបង្កើត
មិនចេះច្នៃប្រឌិត ហើយអ្នកគិតតែពីដេករង់ចាំនោះ ទោះអ្នកដេករង់ចាំរហូតដល់ពិភពលោកទាំងមូលនេះរួមតូចក៏អ្នកគ្មានឱកាសច្រើនដូចគេដែរ។
ភាពអស្ចារ្យ ការងារដ៏អស្ចារ្យ ជីវិតដ៏អស្ចារ្យ របស់ទាំងអស់នេះតែងតែនៅរង់ចាំអ្នកជានិច្ច
គ្រាន់តែអ្នកមិនចេះដើរទៅយកវាតែប៉ុណ្ណោះ!
មនុស្សចេះបង្កើតឱកាសតែងតែមានឱកាសច្រើនសម្រាប់ខ្លួនគេ
គេអាចនឹងឆក់យកឱកាសណាមួយដែលល្អសម្រាប់ជីវិតរបស់គេ
ព្រោះគេជាមនុស្សសម្បូរឱកាស។អ្នកទាំងអស់គ្នាសុទ្ធតែជាបុគ្គលដែលអាចគ្រប់គ្រងលើភាពដ៏អស្ចារ្យ ទាំងអស់នោះ។ចូរអ្នកកុំជឿលើខ្ញុំ
តែសូមអ្នកទាំងអស់គ្នាសាកល្បងបង្កើតវាដោយខ្លួនឯង នោះអ្នកនឹងដឹងការពិតជាពុំខាន។
ចងក្រងដោយ៖ អុង អក្ខរា
«ពេលវេលាគ្មានពេលរង់ចាំមនុស្សទេ»
រយះពេល១ឆ្នាំ ១២ខែ ៣៦៥ថ្ងៃ ៨៧៦០ម៉ោង ៥២៥៦០០នាទី ៣១៥៣៦០០វិនាទី គ្មានវិនាទីណាមួយដែលនៅរង់ចាំអ្នកទេ អ្នកត្រូវតែចងចាំថាពេលវេលាវាកន្លងផុតទៅលឿនណាស់។រយះពេលត្រឹមមួយប៉ប្រិចភ្នែកវាកន្លងផុតទៅយ៉ាងឆាប់រហ័សឥតត្រឡប់ថយក្រោយវិញទេ ពេលវេលាមួយកន្លងផុតពេលវេលាថ្មីក៏មកដល់ រឿងថ្មីៗ
ទាំងឡាយក៏ចូលខ្លួនមកកាន់ជីវិតអ្នក។ចូរអ្នកកុំប្រើរពាក្យថារង់ចាំជាមួយពេលវេលាព្រោះវាជាដើមហេតុដែលធ្វើអោយអ្នកបរាជ័យ។ពេលវេលាគ្រប់វិនាទីសុទ្ធតែមានតម្លៃសម្រាប់អ្នក
ចូរអ្នករៀនចាប់ឱកាសចំណេញពីពេលវេលាទាំងអស់នោះឲ្យច្រើនទៅតាមអ្វីដែលអ្នកអាចធ្វើបាន។
សូមកុំអូសបន្លាយពេលវេលាឲ្យអស់តម្លៃសម្រាប់ខ្លួនឯង។
ចងក្រងដោយ៖ អុង អក្ខរា
«កុំមមើរទាំងបើកភ្នែក» មនុស្សតែងតែសប្បាយឡូយឆាយនឹងរបស់ខាងក្រៅ មនុស្សតែងតែវង្វេងអារម្មណ៍នឹងទស្សនីយភាពខាងក្រៅដោយឥពិចារណា។ មនុស្សមិនចេះប្រមាណខ្លួនឃើញគេសប្បាយនឹងរបស់ទំនើបនឹងដំណើរហឺរហា
តែខ្លួនឯងគ្មានអ្វីសោះក្នុងខ្លនក៏ខំប្រឹងទៅធ្វើតាមគេ
ក៏ខំប្រឹងហក់លោតតាមគេទាំងមិនបានបើកភ្នែកមើលខ្លួនឯងថាមានលទ្ធភាពប៉ុន្មាននោះទេ
ធ្វើខ្លួនអស្ចារ្យ តែមិនមើលស្ថានភាពខ្លួន។ ចុងក្រោយគ្មានអ្វីក្រៅពីក្តីទុក្ខដែលកើតមានចំពោះខ្លួនឯងនោះទេ។
ចងក្រងដោយ៖
អុង អក្ខរា
«ការរៀនដាស់ខ្លួនឯងដោយសតិបញ្ញាជាការប្រសើបំផុតរបស់មនុស្ស»
មនុស្សត្រូវធ្វើខ្លួនជាមនុស្សដែលងាយក្នុងការអប់រំ។មនុស្សត្រូវតែចេះរៀនយកបុគ្គលល្អៗធ្វើជាគំរូ គួររៀនត្រាប់តាមបុគ្គលជោគជ័យ ដែលប្រកបដោយគតិល្អៗ
ជាបុគ្គលដែលមិនពោពេញដោយបញ្ហា ជាបុគ្គលដែលតែងតែផ្តល់នៅឱវាទល្អៗ
នាំយើងអោយរួចផុតពីក្តីទុក្ខ
នោះយើងគួតែប្រតិបត្តិនឹងយកនៅវាចារទាំងនោះទៅចម្រើនបញ្ញាខ្លួនឯងហើយអប់រំសតិខ្លួនឯងដោយសេចក្តីប្រពៃពិត។
ចងក្រងដោយ៖
អុង អក្ខរា
«គោលដៅនៃភាពជោគជ័យ» វិថីទៅកាន់គោលដៅនៃភាពជោគជ័យរបស់អ្នកវាមិនមែនចេះតែរលូនរហូតនោះទេ វាតែងតែមានឧបសគ្គដែលនឹងកើតឡើង
ហើយបញ្ហាទាំងឡាយនឹងវិវឌ្ឍន៍។ក៏ប៉ុន្តែអ្នកត្រូវចងចាំថាអ្វីដែលអ្នកកំពុងខិតខំព្យាយាមធ្វើនោះគឺ....កុំភ្លេចរូបភាពធំនឹងកុំអោយព្រឹត្តិការណ៍ឬបរាជ័យតូចតាចមកបញ្ឈប់សកម្មភាពនៃការតាំងចិត្តរបស់អ្នកបានអោយសោះ។
ចងក្រងដោយ៖
អុង អក្ខរា
«ការងារដ៏អស្ចារ្យ » បើចង់ជោគជ័យលើការងារដ៏អស្ចារ្យ សូមកុំនៅជិតអ្នកដែលតែងតែព្យាយាមធ្វើអោយមហិច្ឆតារបស់អ្នករួមតូចអោយសោះ។ មានមនុស្សតិចតួចបំផុតដែលតែងតែធ្វើដូច្នេះ តែមហិច្ឆតាដ៏ធំហើយជាក់លាក់បំផុតរបស់អ្នកនោះ
នឹងធ្វើអោយអ្នកមានអារម្មណ៍ថាអ្នកក៏អាចក្លាយទៅជាបុគ្គលដ៏អស្ចារ្យ ម្នាក់បានដែរ។
ចងក្រងដោយ៖
អុង អក្ខរា
